Micro-GEAR პროექტი მხარს უჭერს სამხრეთ კავკასიის რეგიონის უმაღლესი განათლების სექტორში სტრუქტურულ რეფორმებს, ძირითადად საქართველოსა და სომხეთში, მიკრო-სერტიფიკატების ფართო დანერგვისა და გავრცელების მიზნით, როგორც ინსტრუმენტის, რომელიც ხელს უწყობს უმაღლესი განათლების რელევანტურობის, ხარისხისა და მოქნილობის გაუმჯობესებას.

ევროპის საბჭოს რეკომენდაციის — „ევროპული მიდგომა მიკრო-სერტიფიკატებისადმი მთელი სიცოცხლის განმავლობაში სწავლისა და დასაქმებადობის ხელშეწყობის მიზნით“ — შესაბამისად, პროექტი ითვალისწინებს ორივე ქვეყანაში ეროვნული საკვალიფიკაციო ჩარჩოების განახლებას, მიკრო-სერტიფიკატების პრინციპებზე ეროვნული კონსენსუსის ჩამოყალიბებას, მიკრო-სერტიფიკატებზე ორიენტირებული საგანმანათლებლო აქტივობების წახალისებას და მათი ურთიერთაღიარების ხელშეწყობას.

შემოთავაზებული რეფორმების ვალიდაციის, პოლიტიკის დონეზე უკუკავშირის უზრუნველყოფისა და მიკრო-სერტიფიკატების ფართო გავრცელების მიზნით, პროექტი განახორციელებს საპილოტე პროგრამას, რომელიც მოიცავს მიკრო-სერტიფიკატების მიმართულებით შესაძლებლობების გაძლიერებასა და შესაბამისი საგანმანათლებლო ერთეულების შემუშავებას.

პროექტის გავრცელებისა და მდგრადობის უზრუნველყოფის აქტივობები უზრუნველყოფს მიღებული შედეგების გაზიარებას ბენეფიციარ ქვეყნებში მოქმედ ყველა შესაბამის საგანმანათლებლო და ტრენინგ-პროვაიდერთან, ასევე რეგიონულ დონეზე.

ქართულ და სომხურ პარტნიორებს შორის წარმოდგენილია განათლების სამინისტროები, ეროვნული აკრედიტაციის სააგენტოები და ENIC ცენტრები, უმაღლესი საგანმანათლებლო დაწესებულებები და ტრენინგ-პროვაიდერების წარმომადგენლები. ევროპული მხრიდან პროექტის კონსორციუმში შედის სამი უმაღლესი საგანმანათლებლო დაწესებულება ურთიერთშემავსებელი კომპეტენციებით, იტალიის ENIC-NARIC ცენტრი და ხარისხის უზრუნველყოფის ექსპერტული კომპანია.